Bigarren Hezkuntzako Graduatu titulua lortzeko ikasketek Helduentzako Irakaskuntzaren (HHI) curriculuma jarraitzen dute, Euskal Autonomia Erkidegoko Hezkuntza sailburuaren 2021eko maiatzaren 20ko Aginduan ezarritakoa. Curriculum horretatik, UHEIk II. Graduko azken bi moduluak eta III. Graduko lau moduluak eskaintzen ditu.
Derrigorrezko Bigarren Hezkuntzako Graduatu titulua azken moduluaren amaieran lortzen da, hots, III. Graduko 4. Moduluaren amaieran.
Ikasturte bakoitzean 2 modulu egin daitezke. Modulu bakoitzak lauhileko bat irauten du: urritik urtarrilera bitarteko lehen lauhilekoa eta otsailetik maiatzera bitarteko bigarren lauhilekoa. Azterketak lauhileko bakoitzaren amaieran egiten dira, urtarrila-otsailean eta maiatza-ekainean.
DBHko 4. mailako irakasgaiak gainditu gabe eta irailean lehenengo lauhilekorako matrikulatzen den ikasle batek otsailean lor lezake graduatu titulua.
Ez dago deialdi mugarik, hau da, ez dago epe mugarik titulua lortzeko.
Ikasleak aldi berean egon daitezke matrikulatuta modulu edo kurtso desberdinetan. Adibidez, 1. moduluko Zientzia eta Teknologia Esparrua, 2. moduluko Komunikazio Esparrua (aurreko moduluan esparru hori gaindituta badu) eta 3. moduluko Gizarte Esparrua egin ditzake (aurreko moduluan esparru hori gaindituta badu).
Eskaintza |
Honen baliokidea: |
|||||
Gradua |
Modulua |
Gaur egungo ikasketak |
Aurreko ikasketak |
|||
| II | 3 | Lehen Hezkuntzako 5. maila | 5. OHO | |||
| 4 | Lehen Hezkuntzako 6. maila | OHOko 6. maila | ||||
| III | 1 | DBHko 1. maila | 7. OHO | |||
| 2 | DBHko 2. maila | OHOko 8. maila | ||||
| 3 | DBHko 3. maila | 1. BBB | 1. IEE | LHko 1. maila | ||
| 4 | DBHko 4. maila | 2. BBB | 2. IEE | LHko 2. maila | ||
III.3 eta III.4 moduluetan matrikula egiterakoan 28 urte bete ez dituzten pertsonek 1,12 € ordaindu beharko dituzte eskola aseguru gisa.
Matrikula ofiziala bi alditan dago irekita (kontsultatu data zehatzak web orriko albisteetan):
Epe horretatik kanpo aparteko matrikulazioak tramitatzen dira, Hezkuntzako Ikuskaritzaren baimenarekin. Epe ofiziala bukatuta, horretarako baldintzak betetzen dituztenak deialdi irekian matrikulatu ahal izango dira. Deialdi horretako azterketak (azaroa edo maiatza) tutoretzarik gabe eta gela birtualean sartu gabe egin ahal izango dira.
Error: Contact form not found.
