Datorren ostegunean, irailak 7, eguerdiko 12:00etan, UHEI-IVEDeko batxilergoko 2023-2024 ikasturteko aurkezpena egingo dugu. Aurkezpena bi zatitan banatuko da: lehenengoa orokorra izango da, edozein tokitatik jarraitu ahal izango da telematikoki, eta bigarrena egoitza bakoitzekoa, bertatik bertara jarraitu beharrekoa, gure Gasteiz, Bilbo eta Donostiako egoitzetan.
Batxilergoko 2023-2024 ikasturteko aurkezpena
Lehenengo zatian ikastaroaren ezaugarriak azalduko ditugu, eta gure ikasketa sistemari zein ikastetxeko plataformei buruzko zalantzak argituko ditugu. Bideokonferentzia bidez garatuko da, baina egoitzetatik edo interneterako sarbidea duen edozein gailutik jarraitu ahal izango da. Hurrengo astean webgunean jarriko dugu aurkezpen horren laburpen bat, bideo moduan.
Bigarren atalean, egoitza bakoitzeko irakasle delegatuek ikastetxeko espazio eta zerbitzuak erakutsiko dizkizuete.
Gogoratu…
Egoitzetara etortzea hautazkoa dela, baina talde eta banakako tutoretzetara etortzeko zein gure zerbitzuak erabiltzeko (informatika eta ikasketa-gelak, liburutegiak) asmoa baduzu, aurkezpena egoitzatik jarraitzea gomendatzen dizuegu.
Bideokonferentziarako esteka: https://meet.google.com/gyp-nfcq-esi
Ezagutu UHEI-IVED. Zuek ikusteko irrikitan gaude!
